Десет грешки кои ги правиме при реновирање на домот: Еве како да ги смалите трошоците и да заштедите

Ова се 10-те најчести грешки при реновирање на домот!

Доколку сте решиле да го реновирате вашиот дом и сакате се да правите сами со помош на одредени совети и трикови од Интернет, има некои работи на кои треба да обрнете внимание. Грешките кои подоцна може да ве чинат „скапо“ лесно може да се прикрадат. Еве 10 од најчестите грешки при реновирање на домот:

1. Туш кабина
Сè повеќе луѓе поставуваат туш кабини во своите бањи, но понекогаш тие не се најдобрата опција. Доколку имате деца или домашни миленици, подгответе се за дополнителен хаос во бањата и ќе морате многу почесто да ги чистите. Затоа кадата е многу подобар избор во тој случај!

2. Мозаик плочки во кујната
Мозаик плочките се многу убав украс во кујната и носат ново освежување. Сепак, тие воопшто не се практични. Маснотиите и нечистотијата стигнуваат до фугите, а тие се многу потешки за чистење поради структурата на плочките. Исто така, не купувајте мат плочки бидејќи на нив се гледа апсолутно се.

3. Недостаток на приклучоци
На почетокот на реновирањето на домот, тешко е веднаш да се одреди каде ќе извршувате одредени задачи, а за кои ви треба штекер. Тој проблем доаѓа подоцна. Ако не сте сигурни каде да ги ставите приклучоците, секогаш е подобро повеќе отколку помалку.

4. Лоша звучна изолација
Дебелината на ѕидовите во новоизградените станбени згради секогаш е знак прашалник. Ако сакате повеќе мир, експертите препорачуваат да инсталирате добра звучна изолација.

5. Темни плочки во бањата
Иако црно-белиот декор е сè попопуларен во дизајнот на ентериер, сепак треба да бидете внимателни со црното. Темните плочки во бањата се големо „НЕ“! Луѓето кои избрале темни плочки често се жалат дека на нив се видливи и најмали траги од нечистотија или вода.

6. Различни видови материјали во кујната
Плочките кои имитираат камен или дрво можат совршено да се вклопат во кујната. Сепак, тие имаат еден недостаток. Неправилната текстура на овие плочки лесно може да ја сокрие нечистотијата, па речиси и не ја забележувате, додека кујната ќе се извалка побрзо од вообичаеното.

7. Недостаток на светлина во бањата
Недоволното осветлување или само една сијалица во бањата може да биде проблем, особено за чистачките. Затоа при реновирањето проверете дали има доволно осветлување над мијалникот. Исто така, LED светлата во ретровизорите трошат многу помалку електрична енергија.

8. Заштеда на материјали
Заштедата на материјали е корисна на краток рок, но може да ве чини скапо подоцна. Користењето неквалитетен материјал ќе ве доведе до побрзо реновирање. Ако немате доволно пари за се што би сакале да правите, тогаш направете приоритети и средете го домот малку по малку.

9. Отворен концепт кујна и дневна соба
Отворениот концепт („отворен простор“) во дизајнот измами многумина. Сепак, треба да бидете внимателни со него. Ако сакате да ги комбинирате кујната и дневната соба, прво треба да размислите колку луѓе има во вашето домаќинство, кои се нивните потреби и навики. Ако ви одговара што сте цело време сите заедно или ако просторно ви е поедноставно да ги комбинирате кујната и дневната соба – направете го тоа. Но, ако тоа не ви одговара, попрво намалете ја кујната и проширете ја дневната соба или користете ја лентата како преграда.

10. Лошо уредување на подно греење
Ова е една од најчестите грешки која е и многу скапа. Прво, скапо е само да поставите подно греење, а ако не го направите правилно и не го искористите просторот – вашите сметки за греење може да станат многу скапи. При монтажата размислете каде ќе бидат гардеробите, кои простории се користат повеќе, а кои помалку и поставете подно греење според вашите потреби.