Дерматолозите предупредуваат на трендот на ТикТок за забрзано потемнување на кожата

На социјалните мрежи често се појавуваат совети, со чија помош можете да решите разни потешкотии и да си го олесните секојдневието.

Но, пред да одлучите да испробате некои нови трендови кои се однесуваат на вашето тело, прво треба да се консултирате со вашите лекари бидејќи тие можат да направат повеќе штета отколку корист.

Имено, на ТикТок неодамна се појави трик за побрзо потемнување на кожата со помош на пиво. Како што покажуваат различни видеа, треба само да истурите пиво од шишето директно на вашата кожа, а потоа да се изложите директно на сончева светлина.

Еден производ за кожа кој особено треба да го избегнувате ако имате изгореници
Сепак, дерматологот од Клиниката „Кливленд“, д-р Шилпи Кетарпал, рече дека потемнувањето со пиво може да има многу штетни ефекти врз вашата кожа.

„Бев шокиран. Зошто некој би го направил ова? Мислам, со сето она што мислиме за изложеноста на УВ и излегувањето надвор без крема за сончање. Зошто би ставиле нешто лепливо и неуредно по целото тело”, рекол дерматологот.

Тој истакнува дека пивото всушност може да ја спречи вашата кожа да дише, што би можело да ве направи поподложни на топлотен удар и дехидрација. Исто така, ја остава вашата кожа незаштитена од штетните сончеви зраци.

Тој изјави дека целосно треба да го избегнеме овој тренд и дека има многу подобри начини доколку сакаме да го забрзаме процесот на потемнување на кожата. Популарните креми за потемнување се подобра опција, но доколку сакаме да се заштитиме од сончевите зраци, најдобро би било да користиме стандардни креми за сончање.