Денеска е Светски ден на поштата, а ова е најстарата пошта на светот

Денес, можеби повеќе не пишуваме писма, но нарачки и купувања онлајн се прават повеќе од кога било. Имаме услуги за испорака, машини за пратки и улогата на поштата се чини дека е помала од кога било во историјата. А нејзината историја, и нејзината улога во општеството, беше навистина голема.

Поштата порано беше врска не само со светот, туку буквално со соседното место. Денеска, 9 октомври, е Светскиот ден на поштата, а официјално најстарата пошта, односно најстарата пошта во светот се наоѓа во Шкотска, Обединетото Кралство, каде што работи без престан од 1712 година област.

Поштата во селтото Санкухар во јужниот дел на Шкотска е најстарата пошта во светот. Работи повеќе од 300 години! Отворена е во 1712 година и во тој долг период смени 17 сопственици.

Последните сопственици го ставија објектот на продажба во 2019 година, кога решија да се пензионираат. Тогаш постоеше можност поштата да биде затворена, но новите сопственици, кои неодамна ја презедоа, најавуваат дека ќе продолжат со работа.

Малата пошта стана туристичка атракција, придонесувајќи за економијата на градот со 2.000 жители, од кои некои сè уште ја користат за испраќање пошта и плаќање сметки. Селото Санкухар е на околу еден час и 15 минути возење од Глазгов и нешто помалку од два часа од Единбург, така што патниците често застануваат таму за да ја истражуваат оваа зелена земја.

Комуникацијата отсекогаш била важна за управувањето со големите империи од античкиот свет, па затоа не е чудно што првите поштенски услуги биле воведени во Египет околу 2000 години пред Христа, а во Кина илјада години подоцна.

Сепак, датумот на кој се слави Светскиот ден на поштата е избран многу подоцна дури во 20 век.

Светскиот поштенски конгрес одлучи во 1969 година во Токио на денешен ден да го одбележи формирањето на Универзалната поштенска унија (УПУ), која беше основана во 1874 година. На овој ден, тие сакаат да се потсетат на важноста на поштата во секојдневниот живот и нејзиниот придонес во глобалниот социјален и економски развој, главно преку издавање на комеморативни поштенски марки и организирање на отворени денови во пошти ширум светот.

Оваа мала пошта во Шкотска влезе во Гинисовата книга на рекорди во 2009 година како најстара пошта во светот.

Втората најстара пошта во светот е во Стокхолм, Шведска, која работи од 1720 година, а третата најстара е во Сантијаго, Чиле, која работи од 1772 година.