Демократска кандидатка освои место во Врховниот суд во Висконсин

Кандидатката на демократите за Врховниот суд во Висконсин вчера го победи противникот поддржан од претседателот Доналд Трамп и милијардерот Илон Маск, обезбедувајќи либерално мнозинство во институцијата најмалку уште три години.

Сузан Крафорд, судија на округот Дејн, која водела правни битки за заштита на правата на синдикатите и абортусот, а исто така се спротивставува на барањата дека гласачите мора да покажат идентификација кога гласаат, го победи Бред Шимел, поддржан од републиканците.

Трамп, Маск и други републиканци застанаа зад Шимел, поранешен јавен обвинител на државата. Демократите, меѓу кои и поранешниот претседател Барак Обама и милијардерот Џорџ Сорос, го поддржаа Крафорд.

Како што наведуваат агенциите, првите големи избори во земјата од ноември беа гледани како тест за тоа како гласачите ги перцепираат првите месеци на Трамп на функцијата и улогата на Маск, чија Канцеларија за владина ефикасност помина низ федералните агенции и отпушти илјадници вработени.