Делта варијантата на корона вирусот веќе ја има во 74 земји

Делта варијантата на Ковид-19, прва идентификувана во Индија, е откриена во 74 земји и продолжува да се шири брзо и се зголемуваат стравувањата дека може да стане доминантен вид ширум светот.

Епидемиите на варијантата Делта се потврдени во Кина, САД, Африка, Скандинавија и земјите од пацифичкиот раб. Научниците известуваат дека се чини дека многу лесно се пренесува, како и дека предизвикува посериозни болести.

Во САД случаите со варијантата Делта се удвојуваат приближно на секои две недели и сочинуваат 10% од сите нови случаи, додека во Велика Британија се повеќе од 90% од новите случаи.

Додека здравствените власти ширум светот собираат и споделуваат податоци за ширењето на новата варијанта, стравот е дека во земјите во развој во светот со помалку робусни системи за мониторинг, варијантата Делта веќе може да се прошири многу подалеку отколку што беше објавено.

Ашиш Џа, декан на училиштето за јавно здравје на Универзитетот Браун во САД, минатата недела ја нарече варијантата Делта „најзаразната варијанта што сме ја виделе досега“.