Бундесбанк: Германското стопанство зимава ќе влезе во рецесија


A sign is seen outside the headquarters Germany's federal bank Deutsche Bundesbank in Frankfurt...A sign is seen outside the headquarters Germany's federal bank Deutsche Bundesbank in Frankfurt, February 4, 2013. European Union states will meet for the second time on February 7-8 to try and negotiate the nearly 1 trillion euro EU budget for 2014-2020. Previous talks collapsed in November and deep divisions remain over whether and how deeply the budget should be cut to reflect the euro debt crisis and harsh austerity measures being taken to address it. Arguments over farm subsidies and rebates are yet to be resolved as the EU contemplates its first real terms decline in spending. But officials are more confident that a deal will be struck this time. France is the biggest beneficiary of farm subsidies, which accounts for about 40 percent of the total budget. It has been at the heart of attempts to maintain contributions along with newer EU members to the east and countries struggling with crippling debts. However, countries such as Germany and the United Kingdom, which pay far more into the budget than they get back, are pushing for a reduction in an attempt to help balance their national books. Picture taken February 4, 2013. REUTERS/Kai Pfaffenbach (GERMANY - Tags: BUSINESS POLITICS) ATTENTION EDITORS: PICTURE 18 OF 20 FOR PACKAGE 'EU BUDGET CARVE-UP'. TO FIND ALL IMAGES SEARCH '2014-2020' - RTR3DD8W

 

Германското стопанство ќе западне во рецесија во зимската половина од годината, по неочекуваното зголемување на активноста во летниот квартал, предупреди Централната банка.

Националната економија забележа раст од 0,3 отсто во периодот јули-септември во однос на претходните три месеци, благодарение на добрите перформанси на услужниот сектор по укинувањето на повеќето рестрикции за пандемија, забележа Бундесбанк.

Проценките се дека во зимската половина од годината активноста најверојатно ќе се намали, последица на зголемените трошоците за енергија и неизвесноста во снабдувањето што претставуваат големо оптоварување за компаниите.

Слабеењето на светската економија ќе се одрази и врз германскиот извоз, иако пополнетите нарачки и ублажените проблеми во синџирите на снабдување донекаде ја амортизираат намалената побарувачка.

Високата инфлација ја инхибира личната потрошувачка, а со тоа и активноста во услужните компании во директен контакт со граѓаните, предупредуваат банкарите.

„Инфлацијата би можела да остане двоцифрена и по преминот во новата година“, проценува Бундесбанк во синоќа објавениот месечен извештај.

Државната поддршка за граѓаните со високи сметки за гас ќе го олесни товарот во декември, но се уште не е јасно колку тоа ќе се одрази врз официјалната пресметка на цените, а со тоа и на стапката на инфлација, нагласуваат од Централната банка.

Во октомври инфлацијата се искачи на 10,4 отсто, што е првпат таа да биде двоцифрена од 50-тите години на минатиот век. Дополнителен стимул за инфлацијата може да биде спиралата што се случува откако растот на цените резултира со повисоки плати, а повисоките плати резултираат со посилен раст на цените.

Синдикатите и фирмите во последно време се договараат за зголемување на платите, забележуваат оттаму. Така синдикатот на работниците во јавниот сектор и вработените во сојузната администрација и локалната самоуправа бара зголемување на платите за 10,5 отсто во следните 12 месеци.

Иако барањата за толку големо зголемување на платите веројатно нема да бидат прифатени, ризикот од покренување на инфлаторната спирала е зголемен, заклучуваат од Бундесбанк.