Бразилски судија ја обвини мрежата Х дека се обидува да ја заобиколи забраната, изрече казна

Судијата на Врховниот суд на Бразил, Александар де Мораес ја обвини платформата X за „намерни, незаконски и упорни“ обиди да се заобиколи забраната во земјата и изрече казна од 921.676 долари за секој ден кога X е достапен во Бразил.

Ова доаѓа еден ден откако X стана повторно достапен за некои корисници, по ажурирањата со чија помош се заобиколува блокадата на платформата воведена од Врховниот суд на Бразил.

Мораес, кој ја нареди првичната забрана, денеска го опиша потегот како намерен обид да се „заобиколи наредбата за блокирање на судот“, пишува Гардијан.

Надградбата на Х ја користи услугата на Cloudflare, што овозможи некои корисници во Бразил да поминат рута надвор од Бразил и да добијат пристап до платформата и без VPN (виртуелно приватна мрежа).