Boshnjakovski: Ivanov nuk mund të amnistojë për “27 prillin”, do t’i shkelë Kushtetutën dhe ligjet
Qeveria konsideron se presidenti Gjorge Ivanov nuk mund t’i amnistojë të dënuarit për “27 prillin”, sepse mund ta shkel Kushtetutën dhe Ligjin. Zëdhënësi qeveritar Mile Boshnjakovski sot në konferencën për shtyp tha se Qeveria nuk pret Ivanov “ta marrë guximin dhe ta bëjë atë”.
“Ekzistojnë dy arsye për shkak të të cilave nuk mund të udhihiqet procedurë për amnisti nga ana e shefit të shtetit, procedura udhëhiqet vetëm përmes Ministrisë së Drejtësisë. Me shikim se nuk ekziston mundësi ligjore për amnisti nga ana e shefit të shtetit, procedura udhëhiqet vetëm përmes Ministrisë së Drejtësisë, me shikim se nuk ekziston bazë ligjore për amnisti pa procedurë paraprake në këtë Ministri”, tha Boshnjakovski.
Ai përkujtoi se është fshirë neni 11 i Ligjit për amnisti, i cili ka parashikuar procedurë të tillë nga ana e presidentit të shtetit.
“Me vendim heqës të Gjykatës Kushtetuese nga viti 2016 ai nen nuk është kthyer, nuk është “ringjallur”, që mund të thuhet me shprehje gjyqësore, ashtu që nuk ekziston në sistemin juridik të shtetit tonë instrument i tillë”, thotë Boshnjakovski.
Pengesa e dytë, siç theksoi zëdhënësi qeveritar, është fakti se kemi zgjedhje presidenciale dhe në këtë periudhë nuk ekziston mënyrë të amnistohet.
“Fakt është se deri në këtë moment në Ministrinë e Drejtësisë gjithashtu nuk kanë arritur kurrfarë kërkesa për amnisti të personave të dënuar në ngjarjet e 27 prillit. Gjithçka që do të bëhet jashtë këtyre kornizave definitivisht mund të jetë shkelje e ligjeve dhe Kushtetutës. Nuk presim se presidenti mund ta bëjë atë”, tha Boshnjakovski në konferencën e sotme për shtyp duke u përgjigjur në pyetjen e gazetarëve.