Битиќи објави дека нема да се кандидира за лидер на СДСМ

Фатмир Битиќи на фејсбук објави дека нема да поднесе кандидатура за претседател на СДСМ со цел да се спречи фрагментација и поларизација помеѓу членството.

„Во овој изборен период нема да се кандидирам за претседател на СДСМ, а тоа го правам за да ја спречам понатамошната фрагментација и поларизација меѓу нашето членство. Но мојата политичка мисија се протега надвор од партиските функции и поделбите, таа ја нагласува соработката, дијалогот и меѓусебното разбирање, што единствено може да се постигне ПОИНАКУ, со враќање на социјалдемократските вредности. Тоа е сосема ПОИНАКУ од досегашните политички навики на однесување кон државата, па и кон партијата. Очекувам и верувам дека идеологијата и вредностите ќе ја направат разликата и промената првин во СДСМ, а потоа и во државата“, напиша Битиќи.

Рокот за поднесување на кандидатури за партиски лидер во СДСМ истекува денеска. Досега четворица официјално поднесоа кандидатура за претседател на СДСМ – Венко Филипче, Славјанка Петровска, Јован Деспотовски и Александар Бајдевски,ктуелен заменик-министер за информатичко општество и администрација во техничката влада .Постапката за кандидирање започна на 31 мај и трае заклучно со денеска. Внатрепартиските избори се распишани со одлука на Извршниот одбор и ќе се одржат на 30 јуни оваа година.