Бил Гејтс: Вештачката интелигенција ќе ги „убие“ „Гугл“ и „Амазон“ како што ги знаеме сега

Ко-основачот на „Мајкрософт“, Бил Гејтс, верува дека идната врвна компанија во вештачката интелигенција најверојатно ќе создаде личен дигитален агент кој може да извршува одредени задачи за луѓето.

Технологијата ќе биде толку длабока што може радикално да го промени однесувањето на корисниците.

„Кој и да го направи прв личниот агент, тоа ќе биде голема работа, бидејќи никогаш повеќе нема да одите на страница за пребарување, никогаш нема да одите на страница за продуктивност, никогаш нема да отидете на ‘Амазон’ повторно“, рече тој.

Овој асистент за вештачка интелигенција што допрва треба да се развие ќе може да ги разбере потребите и навиките на една личност и ќе им помогне „да ги чита работите што немате време да ги прочитате“, рече Гејтс во понеделникот за време на настан во Сан Франциско на тема вештачка интелигенција.

Гејтс рече дека има 50-50 шанси овој иден победник на вештачка интелигенција да биде или стартап или технолошки гигант.

„Би бил разочаран ако ‘Мајкрософт’ не влезе таму“, рече Гејтс. „Но, јас сум импресиониран од неколку стартапи, вклучително и Inflection“, додаде тој осврнувајќи се на Inflection.AI, фирма на коосновачот и поранешниот извршен директор на DeepMind, Мустафа Сулејман.

Ќе биде потребно извесно време додека овој моќен иден дигитален агент не биде подготвен за мејнстрим употреба, рече Гејтс. Дотогаш, компаниите ќе продолжат со вградување на таканаречените генеративни технологии за вештачка интелигенција слични на популарниот ChatGPT на OpenAI во нивните сопствени производи.

Гејтс, исто така, разговараше за здравствените напори поврзани со неговата работа во Фондацијата Бил и Мелинда Гејтс, велејќи дека вештачката интелигенција ќе ги забрза иновациите и ќе доведе до понапреден развој на лекови.

Иако внатрешната работа на човечкиот мозок сè уште е мистерија за научниците, ко-основачот на „Мајкрософт“ верува дека човештвото е блиску до создавање на корисни лекови за лекување на болести како Алцхајмеровата болест, а човечките испитувања за новите лекови веројатно ќе се појават за 10 години.

Тој, исто така, го спореди подемот на генеративните технологии за вештачка интелигенција што ќе влијае на службениците. Гејтс додаде дека верува дека идните хуманоидни роботи кои се поевтини за користење за компаниите од вработените во голема мера ќе влијаат и на работниците.

„Додека ги измислуваме овие роботи, само треба да се погрижиме да не заболат од Алцхајмерова болест“, рече Гејтс на шега.