Авион на лет за Виена погоден од град, остана без „носот“

Авион на „Аустриан ерлајнс“ влета во невреме со град, што предизвика голема штета на пилотската кабина и изгуби дел од носот.

Официјални лица на Austrian Airlines открија дека летот OS434 налетал на град на пат од Палма де Мајорка, Шпанија до Виена. Авионот пристигна на аеродромот во Виена со скршени предни стакла и уништен нос.

„Мислам дека бевме на околу 20 минути од слетувањето кога удривме во градоносниот облак и почнаа турбуленциите“, изјави патничката Емели Оукли. Според неа, патниците ги слушнале звуците на невремето.

Austrian Airlines A320 severely damaged by a hailstorm while on approach to Vienna Airport in Austria. Despite the damage to the aircraft's nose and windscreen the pilots landed safely. pic.twitter.com/AIa7aL9HEQ

— Breaking Aviation News & Videos (@aviationbrk) June 9, 2024

Како што пренесува RTL, инцидентот се случил над Хартберг во Австрија, кој е на околу 150 километри од Виена, на надморска височина од околу 6.000 метри. И покрај оштетувањата, Ербас А320 успеа безбедно да слета на единаесеттата писта на аеродромот во Виена.
Според патниците, минувањето низ невремето траело приближно две минути. За време на летот и слетување, ниту еден патник не е повреден.

Според кажувањата на патниците, забележале дека на авионот му недостасува носот дури кога се симнале. Самите авиокомпании веќе го потврдија инцидентот.

„Потврдуваме дека авионот „Ербас А320“ бил оштетен од град денеска на летот OS343 од Палма де Мајорка за Виена. Градот оштети два прозорци од предната пилотска кабина и носот на авионот и некои облоги“, изјавија од авиокомпанијата за TimesNow.