Апокалиптични сцени од Дубровник, речиси цел град под вода, градоначалникот: Ова не е крај

Дубровник денеска го зафати силно невреме, пропратено со обилни дождови, поради што е речиси целосно покриен со вода. Големи количества врнежи го поплавија брегот на Лапад, каде водата навлегла во куќите, а автомобилите останале под вода.

Шокантни се сцените од градот – цел Дубровник е под вода, а вистински порој од вода помина низ областа Пила.

Вработените во ресторанот „Дубравка“ на Купови направија големи напори да го пренасочат протокот на вода за да го заштитат својот објект од поплави.

Градоначалникот на Дубровник ја најави ситуацијата: „Почитувани сограѓани, екстремната количина на врнежи ги поплави речиси сите улици во градот. Сите служби за итна помош се на терен. За жал, тука не е крајот. Според најавите, од 3 до 23 часот очекуваме дополнителни врнежи кои ќе предизвикаат поголеми проблеми.

Ве молиме останете во вашите домови, освен ако не е апсолутно неопходно да излезете надвор. Заштитете го вашиот имот. Нашите служби за итни случаи ќе вложат максимални напори за испумпување на водата од зградите, но во вакви екстремни услови не е можно целосно да се спречат поројните поплави“.