Андреј Козирев ги повика руските дипломати да поднесат оставка

Поранешниот руски министер за надворешни работи Андреј Козирев во вторникот ги повика сите руски дипломати да поднесат оставки во знак на протест поради војната. „Вие сте професионалци, а не евтини пропагандисти“, напиша на Твитер поранешниот член на кабинетот на Борис Елцин.

„Кога работев во Министерството за надворешни работи, бев горд на моите колеги. Сега едноставно не можете да ја поддржите крвавата братоубиствена војна во Украина“.