Американските ветерани од Втората светска војна тргнаа за Франција за одбележување на Денот Д

Повеќе од 60 американски ветерани од Втората светска војна во петокот полетаа од Далас во Франција, каде што ќе учествуваат на церемониите по повод 80-годишнината од Денот Д.

Групата е на возраст од 96 до 107 години, според „Американ ерлајн“с, која ги превезува прво до Париз. Летот е еден од неколкуте што ги носат ветераните во Франција на комеморацијата.

Групата ќе учествува на церемонијата на положување венци на американските гробишта Суренес, ќе ја посети Ајфеловата кула и ќе се приклучи на секојдневната церемонија позната како „le Ravivage de la Flamme“, која им оддава почест на загинатите француски војници на Триумфалната капија.

Тие потоа се упатуваат во регионот Нормандија на настани кои вклучуваат церемонии за положување венци на плажите Омаха и Јута, две од местата за истоварување на сојузничките сили.

Речиси 160.000 сојузнички трупи, 73.000 од Соединетите Држави, се истоварија во Нормандија на 6 јуни 1944 година, во масовна амфибиска операција дизајнирана да ја пробие силно утврдената германска одбрана и да започне ослободување на Западна Европа.

Вкупно 4.414 сојузнички војници беа убиени на самиот ден Д, вклучувајќи 2.501 Американци. Повеќе од 5.000 беа ранети.

Групата што патува од Далас вклучува шест добитници на Медал на честа од војните во Ирак, Авганистан и Виетнам кои сакаат да им оддадат почит на ветераните од Втората светска војна.

Има и две „Рози Риветер“, кои ги претставуваат жените кои работеле во фабрики и бродоградилишта за време на војната.

Стотици илјади воени жени од сојузничките земји, исто така, работеа во клучни неборбени улоги како што се кршачи на шифри, трагачи на бродови, радарски оператори и картографи.

Постојат различни церемонии за одбележување на денот во Франција и за благодарност на ветераните, од кои некои ќе го поминат долгото трансатлантско патување и покрај напредната возраст, заморот и физичките тешкотии.

„Никогаш нема да заборавиме. И ние мора да им кажеме“, изјави за Асошиетед прес Филип Етјен, претседател на организаторот на комеморацијата „Мисија за ослободување“.