Американски судија се самоуби во судница

Судија од американската сојузна држава Џорџија се самоуби пукајќи си во глава во судницата каде што работел.

Судијата Стивен Јекел (74) беше пронајден мртов вчера, на неговиот последен ден на работа, откако ја загуби кандидатурата за реизбор, пренесува WSAV.

Телото на Јекел го пронашол заменикот на шерифот околу 10 часот во Државниот суд во округот Ефингем. Инспекторите веруваат дека тој починал доцна во понеделникот навечер или во вторник рано наутро.

Смртта ја истражува Канцеларијата на шерифот
Неговата смрт ја истражуваат Канцеларијата на шерифот на округот Ефингем и Бирото за истрага во Џорџија (ГБИ).

Јекел беше назначен за државниот суд во 2022 година. Тој неодамна се обиде да поднесе оставка од таа функција, но гувернерот на Џорџија Брајан Кемп одбил, пренесува WJCL.

Шерифот Џими Мекдафи изрази сочувство до семејството на Јекел.

„Ова никогаш не е добра вест за никого. Семејството е уништено. Ова треба да биде среќен период од годината и сега се занимаваат со ова. Не можам да замислам како им е. Ако им треба помош од ние ќе бидеме таму за нив“, изјави тој.

Според информациите на медиумот, Јекел се соочувал и со тужба од вработена во судот Лиза Крафорд, која тврдела дека била неправедно отпуштена од својата работа. Во тужбата, таа тврдеше дека Јекел ја отпуштил за да вработи свој персонал по преземањето на функцијата.

Тој беше татко на четири деца
Јекел, кој бил оженет и имал четири деца, претходно работел како помошник окружен обвинител во округот Чатам и како специјален агент за Државната единица за алкохол и тутун во Џорџија.

Одборот на комесари на округот Ефингам издаде соопштение во врска со смртта на Јекел.

„Одборот на комесари и персоналот на округот Ефингам се длабоко тажни поради трагичната смрт на судијата Стив Јекел во судската куќа на округот Ефингем и изразуваме сочувство до неговото семејство и најблиските“, рекоа тие.

Судницата е затворена откако беше пронајдено телото на Јекел, а нормалното работење ќе продолжи на 2 јануари.