Амбер Херд стана мајка: Ми се исполни најголемата желба

САД– Актерката Амбер Херд на својот инстаграм-профил ја сподели среќната вест дека станала мајка.

„Многу сум возбудена што ја споделувам оваа вест со вас. Одлучив да имам дете пред четири години. Сакав да го направам тоа под мои услови“, напиша таа откривајќи дека на нејзината ќерка ѝ го дала името Онаг Пејџ, по нејзината покојна мајка Пејџ.

„Таа е остатокот од мојот живот“, напиша 35-годишната актерка во својата објава.

Извори блиски до актерката за „Page Six“ откриле дека нејзиното бебе е родено од сурогат мајка откако актерката дознала дека не може да роди.

„Отсекогаш сакаше да стане мајка и сега ѝ се исполни најголемата желба. Таа е многу благодарна на прекрасната жена која ѝ помогна да ја донесе на свет Онаг“, открива изворот.

Веста доаѓа по измачувачкиот, бурен период и развод со Џони Деп, со кого со години беа на суд откако таа го обвини за злоставување. Амбер и Џони беа во брак од 2015 до 2017 година.