Аманда Горман од поетска стана модна сензација: Потпиша за IMG Models

САД– Младата поетеса Аманда Горман (22) чија изведба на поемата „Ридот што го искачуваме“ на инаугурацијата на Џо Бајден како 46 американски претседател, предизвика сензација во светот, потпиша со IMG Models, истата модна агенција која ги претставува и Кејт Мос, Кара Делавињ,  Џиџи и Бела Хадид, Мила Јовович…

Горман, која е родена и живее во Лос Анџелес и е прв лауреат на наградата за  национален млад поет во земјата, веќе стана модна сензација. Црвената сатенска лента на  „Прада“ што ја носеше за време на церемонијата на инаугурацијата доведе до распродажба на модното парче, додека нејзиниот жолт капут (исто така „Прада“) предизвика потрага по „жолти капути“ и зголемување на продажбата за 1,328% (според модниот пребарувач „Lyst”) инспирирани од нејзината изглед.

„Јас сум црна жена со моќно пенкало и големо срце и ми се допаѓа мојот изглед да ја отсликува таа гордост“, изјави Горман за „Харперс Базар“, зборувајќи за нејзината љубов кон стилот. Таа за списанието откри и дека обожава „гласни фустани со кралски изглед, извезени со цвеќиња – мислам дека му велам да на моето воспитување како афро-цветно дете во Лос Анџелес. Јас сум исто така обожавател на супер стилската и пријатна трикотажа на Виктор Гламо. ”

Потпишувањето на Горман се смета за остроумно од страна на упатените во модата. Додека етикетите се борат да се прилагодат на промените во модната индустрија како резултат на пандемијата, купувачите на Generation Z се обесхрабруваат од модните етикети кои не ги одразуваат сопствените социјални, политички и еколошки проблеми.

Горман, коај ја основаше добротворната организација „Едно пенкало, една страница“, која ги поддржува сиромашните млади луѓе преку пишување, е совршено подготвена да биде заштитно лице на модната етикета што би сакала да направи повеќе од продажба на парче облека, но да се поврзе подлабоко ниво со своите клиенти.

На почетокот на овој месец тенисерката Наоми Осака, која јавно се спротивстави на полициската бруталност и расна неправда преку изборот на маски за лице за време на тениските натпревари, стана заштитно лице на Луј Витон.

„[Таа] ја претставува својата генерација и е исто така пример за сите. Нејзината кариера и убедувања се инспиративни “, рече креативниот директор на Витон, Никола Гескиер, во изјавата.

Потпишувањето на Горман за агенцијата го пофали Џиџи Хадид, која напиша во сториите на Инстаграм: „Werk @amandasgorman @imgmodels faaaaam! Мајор “.(Харперс Базар)