Администрацијата пак на штрајк за поголема плата

Од УПОЗ се децидни дека во Фондот за здравствено осигурување службениците имаат најниски плати од сите органи на државната управа и дури и со две плати не ја достигнуваат минималната синдикална кошничка која изнесува 48 илјади денари. Но, повисоките плати не се единственото барање на синдикатот. Ниските плати се причината поради која во моментов во Фондот недостасуваат околу 300 вработени, речиси и да нема интерес на огласите за вработување а вработените пак имаат по неколку работни обврски во денот. Доколку барањата не се исполнат, штрајкот ќе ја парализира државата.

Од УПОЗ ја предупредуваат дека Владата се обидува да ги изигра и да нема линеарно зголемување на платите доколку се покачи минималната плата.

Од синдикатот најавија дека, поради ниските плати,  во петок на протест пред Собранието ќе излезат вработените во судската и обвинителската администрација, од Фондот за здравство и од народниот и државниот правобранител.