Норвешка бара Хрватска да ѝ ја врати донацијата од 1,3 милион евра

Норвешка, која беше подготвена да донира 1,3 милиони евра во мултикултурното училиште „Дунав” во Вуковар, првото училиште во Хрватска во кое ќе учеа стотици деца хрватски, српски и други националности, бара од Хрватска да ги врати парите досега инвестирани во тој проект поради непочитување на меѓудржавниот договор.

Во тоа училиште, децата исто така ќе учеа за меѓусебните разлики и тоа требаше да биде обука за пример за тоа како училиштата можат да придонесат за интеграција и дијалог во областите каде што имаше конфликт.

Идејата за такво училиште во Вуковар се роди пред 15 години.

Во првата половина на 2014 година, Хрватска потпиша договор за финансиска помош за проектот со Норвешка.

Норвешка и другите помали донатори, Исланд и Лихтенштајн, според меѓународен договор, беа подготвени да дадат 1,3 милион евра за проектот, од кои Норвешка – 98 отсто од износот.

Минатата година училиштето требаше да почне да работи во зграда во селото Борово. Зградата на три ката е реновирана и опремена благодарение на донацијата на Норвешка.

Поради непочитување на меѓународниот договор, Норвешка побара од Хрватска да ја врати донацијата, објави Јутарњи лист.

Крајниот рок за реализација на проектот според сите договори беше крајот на април 2017 година, до кога Хрватска имаше можност да ја искористи норвешката донација во износ од 1,3 милиони евра. Бидејќи проектот не е имплементиран во рамките на крајниот рок, досега потрошени се 390 илјади евра, и Норвешка ги повлекува своите пари.