Мицкоски до Заев: Ќе те подржам ако се откажеш од Законот за јазици

Лидерот на ВМРО-ДПМНЕ денеска излезе со предлог до премиерот Зоран Заев. Христијан Мицкоски, во интервју за Сител, вети поддршка за Владата од неговата партија, доколку СДСМ и Зоран Заев се откажат од Законот за јазици.

„Имам две работи да му порачам во моментов на господинот Зоран Заев. Првата е, ако чесно и мисли добро на Република Македонија и ако навистина се декларира како реформски политичар, односно политичар кој што има примарна цел за реформите, тогаш да продолжиме со процесот на реформи, бидејќи тие се вистинскиот приоритет за развојот на Република Македонија. Ако господинот Зоран Заев има концесија и ако е уценет преку таа концесија дека ќе му се распадне Владата и ако има ‘дил’ за да остане Владата, ние како ВМРО-ДПМНЕ му се нудиме, со нашите парламентарни пратеници да ја поддржиме оваа Влада во сите овие реформски процеси под еден услов: да го тргне Законот за јазици од собраниската процедура. ВМРО-ДПМНЕ ќе ја поддржи Владата на господинот Зоран Заев во носењето на сите реформски закони, безусловно, бидејќи иднината на оваа држава е во реформите“, рече Мицкоски.