(ВИДЕО) Над Медитеранот се создава најсилниот циклон досега, в сабота ќе зафати делови од Балканот

Над Јонското Море се развива циклон кој до сабота би можел да се претвори во најсилниот забележан во Медитеранот досега и може да достигна до втора категорија.

Голема е веројатноста во текот на вечерните часови, јужниот дел на Јонско Море да биде зафатен од медитерански циклон, кој потоа ќе се придвижи кон полуостровот Пелопонез и островот Крит, но и кон други делови на Грција, според последните податоци од метеоролошката служба на Националната опсерваторија во Атина.

Медитеранскиот циклон е редок феномен и се појавува еднаш до два пати годишно, а е проследен со силен ветер и силен дожд.

Паралелно и во исчекување на циклонот, Грција веќе е зафатена од бурата Ксенофон, а прогнозите се дека невремето ќе продолжи и во следните денови, веројатно до недела.

Како што јави дописничката на МИА од Атина, од Секретаријатот за цивилна заштита на Грција ги информираат граѓаните какви мерки да преземат и како да се заштитат од временските непогоди, од силниот ветер, обилните врнежи од дожд и невремето.

Лошите временски услови беа причина периферијата Атика (поширокиот регион на Атина) да донесе одлука сите училишта утре да бидат затворени, додека пак и денес поради силниот ветер кој достигнува и до 10 Бофор, има забрана за пловидба на голем дел од пристаништата низ цела Грција.

Противпожарната служба на Грција соопшти дека од вчера, од шест часот наутро, до 14 часот и 30 минути денесла, поради силниот ветер во областа Атика добила 520 повици за сечење дрва и отстранување на разни предмети, а на терен работат 40 тимови со 80 пожарникари.

Impressive morning satellite animation of the developing cyclone in the southern Mediterranean sea today. Cyclogenesis is now taking place. It will lead into the formation of a Tropical-like cyclone (TLC) / Medicane tonight. Source: @SAT24_SAT pic.twitter.com/5j2GhhBv0R

— severe-weather.EU (@severeweatherEU) September 27, 2018