„Море пластика“ во океаните е кршење на меѓународните конвенции

„Море пластика“ во океаните претставува јасно кршење на меѓународниот закон, наведува британското Кралско географско друштво.

Според најновиот извештај, кој денеска ќе го претстави ова друштво, тоа е глобален проблем кој треба да се реши, бидејќи загадувањето на морињата и океаните со пластика веќе е забрането со постоечките договори.

Во извештајот се наведува дека од владите, чии држави се занимаваат со тој проблем, се бара да извршат правен притисок на оние земји кои не ги спроведуваат меѓународните прописи, пренесува Би-Би-Си.

Загадувањето на морињата и океаните веќе се контролира со Конвенцијата на Обединетите нации за законот за мориња, Лондонската конвенција, МАРПОЛ конвенцијата, конвенцијата од Базел, царински законии многу други регионални договори, се наведува во извештајот.

Во документот се потенцира дека малите острови се најмногу загрозени од пластиката