Јункер: За Британците би било добро јас да сум им премиер

Претседателот на Европската комисија Жан-Клод Јункер иронично ја прокоментира нејасната позиција на Велика Британија за идните односи на Лондон со ЕУ, изјавувајќи дека за Велика Британија би било добро тој да и е премиер.

– Јас не сум британскиот премиер, би било убаво да бидам, но не сум, одговори Јункер на новинарско прашање за вчерашната седница на Владата на Тереза Меј на која требаше да се определи позицијата на Лондон за идните односи со Брисел.

Тој нагалси дека ќе ги коментира резултатите од состанокот на британската Влада, дути од кога ќе се запознае со точните заклучоци од неа.

– Што се однесува на британскиот Парламент и Владата, тие се оние кои треба да одговорат на новите прашања што се покренати во Велика Британија, рече Јункер.

Тој истакна дека „негова работна хипотеза е дека Велика Британија ќе ја напушти ЕУ во март 2019 година, како што е предвидено“.

Претходно, Даунинг стрит соопшти дека британската премиерка Тереза Мај ќе ја објасни својата замисла за партнерство со ЕУ по Брегзит на 2 март.