(Видео) Спасувачката акција на норвешкиот крузер

25/03/2019 14:13
Страшното искуство за 1.300 патници заглавени на норвешкиот брод за крстосување што беше зафатен од невреме во саботата во близина на норвешкиот брег, снимено е во повеќе видеа од самите патници.
На бродот му откажаа моторите, а бурата го разбранува морето, па патниците газеа низ вода и не можеа да се задржат на едно место. Беа спасени во неверојатна акција за спасување со хеликоптери.
Ви донесуваме некои од нив.

Инаку, норвешките власти соопштија денеска дека покренале истрага за крузерот „Викинг скај“, кој превезува повеќе од 1.300 луѓе, за тоа зошто испловил и покрај предупредувањата за невреме, што доведе до инцидент и евакуација на голем број луѓе чии животи беа доведени во опасност.

Даг С. Лисет од норвешкиот Одбор за истражување несреќи вели дека „високиот ризик на кој биле изложени бродот и неговите патници и екипажот ги натерале да одлучат да го истражат инцидентот“.

Норвешкиот крузер „Викинг скај“, кој поради дефект повеќе од 24 часа мина на отворено море, вчера доцна попладнето вплови во пристаништето во Молде.

Крузерот, на кој се наоѓаа над 900 лица, до Молде го довлекоа еден реморкер и два брода.

Влечењето на бродот започна претпладнето откако се подобрија временските услови и се смирија брановите, но и откако беа ставени во функција три од неговите четири мотори.

Крузерот „Викинг скај“ завчера во попладневните часови испрати повик за помош, откако остана во дефект во близина на брегот на Норвешка.

Спасувачките екипи уште истата вечер почнаа со евакуација на патниците, но акцијата беше отежната поради лошите временски услови и бранови во висина и до 10 метри. Во операцијата учествуваа пет хеликоптери и неколку спасувачки бродови.

Евакуацијата беше прекината откако започна влечењето на крузерот кон Молде. До прекин на операцијата, беа евакуирани 463 од вкупно 1.373 патници и членови на екипажот на бродот.

Од спасените патници, 17 беа пренесени во болница поради здобиени повреди, а останатите беа сместени во хотел.

Најголемиот број од патниците на крузерот се британски и американски државјани.

Поврзани содржини

Дали жителите во Лос Анџелес ќе се преселат или ќе ги обноват куќите? И двете опции се скапи
(Видео) Погледнете ги страшните последици од пожарот што го опустоши Лос Анџелес
ЈП Морган ја процени штетата од пожарот во Лос Анџелес: Двојно повеќе од најголемиот досега
Москва за новите санкции од САД: Трамп ќе го дочека изгорена земја
Путин на преговорите со Трамп за Украина ќе бара НАТО да се повлече на границите од 1997
Двајца загинати, четворица повредени во автобуска несреќа во источна Германија
Се судрија два трамваи во Стразбур, повредени 50 лица, петмина потешко (видео)
Поранешниот австриски канцелар Нехамер се повлекува од политиката

Најчитани