Зошто Меланија Трамп молчи-првата дама е зафатена со мебелот во Белата куќа

САД- Додека илјадници приврзаници во (крвавата) насилно влегоа во Капитол за да го опседнат епицентарот на американската демократија, првата дама Меланија Трамп правеше фотосесија во Белата куќа.

Професионалното осветлување, вид што се користи за фотографирање и видеографија, можеше да се види низ прозорците на Белата куќа.

„Се правеа фотографии од килими и други предмети во Извршната резиденција и Источното крило“, изјави за Си-Ен-Ен лице запознаено со активностите на денот со првата дама. Трамп – кој, како што објави Си-Ен-Ен, изразила интерес да напише книга  за украсни предмети што ги има собрано и ги обновила во Белата куќа – го надгледуваше фото-проектот брзајќи пред инаугурацијата на Бајден.

Додека  се редеа сликите од толпата што влета во американскиот Капитол, првата дама беше фокусирана – заедно со првиот човек на Белата куќа, Тимоти Харлет – да го заврши снимањето. И медиумите, вклучително и Си-Ен-Ен, и членовите на нејзиниот персонал прашуваа дали првата дама планира да даде смирувачка изјава или повик да се запре насилството – нешто што го сторила неколку пати неколку месеци порано за време на протестите околу убиството на Џорџ Флојд од страна на полицијата. Но тоа не се случи. Наместо тоа, првата дама беше тивка и остана таква. Нејзината незаинтересираност за обраќање кон земјата беше индикативна за „проверка“, рече друг извор од Белата куќа, кој додаде: „таа едноставно не е веќе на ментално или емоционално место каде што сака да се вклучи“.

Освен со мебелот.

До средата вечерта, единствениот  вработен персонал на Меланија- шефицата на кабинетот Стефани Гришам – која служеше и како најблизок советник, говорник и портпарол на Трамп – и Ана Кристина „Рики“ Никета, социјален секретар во Белата куќа, поднесоа оставки веднаш. Си-Ен-Ен потврди дека Гришам и Никета се откажале од работата во голем дел поради настаните во средата.

Првата дама и Претседателот, како што објави Си-Ен-Ен, имаат блиски односи, што понекогаш е изненадувачки за оние кои ги толкуваат приказните за наводното прељубничко однесување на Трамп и нивната физичка оддалеченост како знак на немилост. Првата дама зборува на телефон во текот на целиот ден со претседателот, според неколку извори кои биле сведоци на тоа – од обете крилја на зградата – и таа е прва што со сопругот ги споделува своите размислувања за домашните и меѓународните теми .

Иако најголемиот дел од нејзините јавни изјави во последниве месеци беа поврзани со празнични украси, на 8 ноември, таа разбирливо ја објави на Твитер својата поддршка за неоснованата борба на Трамп против изборните резултати. „Американскиот народ заслужува фер избори“, рече првата дама. „Секој легален – не нелегален – глас треба да се брои. Ние мора да ја заштитиме нашата демократија со целосна транспарентност.“ Не беше многу, но доволно беше да се покаже дека таа е на негова страна.

Првата дама исто така не била срамежлива кога нејзините мислења се разликуваат од ставовите на нејзиниот сопруг, твитајќи – самостојно или преку Гришам како гласноговорник – пораки што се чини дека не се во чекор со неговите.

Но, оваа недела не беше едно од тие времиња.

Си-Ен-Ен повеќепати се обрати до Источното крило, и пред и по заминувањето на Гришам, за да побара коментар за размислувањата на првата дама за настаните во средата или, пак, има ли некој коментар. На барањата не беше одговорено. (Си-Ен-Ен)