Зимата се враќа: Од вечерва драстично заладување, минусите ќе траат до средината на месецот

Од вечерва, Балканот и Македонија ќе бидат зафатени од забележително заладување кое доаѓа од север и нè воведува во подолг период на потпросечно ниски температури за април. Постуденото време ќе трае најмалку до почетокот на втората декада од месецот.

По претежно сончевата и топла сабота, во недела навечер се очекува да пробие студен фронт кој ќе донесе облачност и врнежи. Поради брзиот пад на температурата врнежите од дожд ќе преминат во снег во повисоките предели. Но, значителен снег нема да има – на планините се очекува потенка снежна покривка, од 10 до 15 сантиметри.

Во недела, по минување на фронтот, ќе се задржи променливо облачно и студено време со изразено северено влијание. Можни се повремени врнежи од дожд, град, лапавица и снег, кои ќе создадат чувство на нестабилно време. Слична временска слика се очекува и во понеделник со промени во пократки сончеви и облачни интервали и локални врнежи.

Заладувањето ќе биде придружено со силен до невреме северен ветер, односно невреме, особено во недела. Налетите на ветерот претежно ќе бидат до 70 км/ч.Силниот ветер ќе продолжи да дува на почетокот на следната недела.

На почетокот на неделата постои закана од голомразица, особено во утринските и вечерните часови. Сепак, количината на облаци и јачината на ветерот ќе играат клучна улога во тоа дали и каде ќе се формира мраз.

Во текот на идната недела, до четврток утринските температури се изразено ниски и ќе се движат во интервал од -7 до 2 степени, а дневните ќе дстигнуваат до 1- во понеделник, односно до 16 во четврток.