Заврши спојувањето на „Парамаунт“ и „Ворнер Брос. Дикавери“. Создадена е „Скајденс“

„Парамаунт“ го заврши преземањето на „Ворнер Брос. Дикавери“(Warner Bros. Discovery) за 110 милијарди долари. Спојувањето создаде нова компанија наречена „Скајденс“(Skydance). Филмските студија на „Парамаунт“ и „Ворнер Брос. Дикавери“ сега се под ист покрив, како и големите медиумски брендови и телевизиски компании како што се Ејч-Би-О (HBO), Си-Би-Ес њус ( CBS News) и Си-Ен-ен (CNN).

На спојувањето му претходеа месеци конкуренција со „Нетфликс“ за преземање на ВБД, а договорот беше постигнат во февруари. Проектот беше спротивставен од политичарите и некои холивудски професионалци, кои изразија загриженост за прекумерна концентрација на медиумска моќ, објавува The Verge.

Последната пречка беше отстранета минатиот месец со спогодба со 12 федерални држави кои се обидоа да го блокираат договорот со тужби. Тие тврдеа дека спојувањето ја нарушува конкуренцијата. Според условите на спогодбата, „Скајденс“ се обврза да издаде дефиниран минимален број филмови во кината во текот на следните пет години, почнувајќи со 30 наслови во првите две години.

Компанијата, исто така, мора да ги зголеми трошоците за производство во САД за најмалку 300 милиони долари во однос на минатогодишните комбинирани трошоци на „Парамаунт“ и ВБД.

Новата компанија „Скајденс“ ќе ја води Дејвид Елисон, основач и раководител на „Скајденс медија“, заедно со Инон Крајз, кој претходно го водеше „Мател“ (Mattel), еден од најголемите светски производители на играчки, познат по брендовите Барби и Хот виалс (Barbie и Hot Wheels).

„Ова е историски ден, не само за ‘Скајденс’ , туку и за целата наша индустрија“, рече Елисон во соопштението. „Од самиот почеток сакавме да ги споиме овие две легендарни студија за да создадеме посилен конкурент. Целта беше да се соберат талентот, ресурсите и досегот за да се создадат врвни приказни во сите жанрови и на сите платформи, за публиката ширум светот. Таа амбиција сега е реализирана“, заклучи тој.