Забрана за мобилни во училиштата во Кина

Кина– Министерството за образование на Кина донесе одлука да им забрани на учениците да користат мобилни телефони во училиштата. Образложението е дека ова ќе го заштити видот на децата, ќе спречи зависност од интернет и видеоигри, но исто така, ќе им овозможи на децата подобра концентрација при учењето.

Забраната се однесува на носење телефони во кампусот и училишните игралишта, освен за оние ученици кои ќе добијат родителска согласност и писмено одобрение од училиштето. Сепак, децата мораат некако да комуницираат со своите родители, па така во училиштата ќе бидат поставени и телефонски говорници.

Мислењата за оваа одлука се поделени – некои веруваат дека со тоа не се решава проблемот со зависноста на децата од интернетот и технологијата, додека други сметаат дека оваа регулатива ќе им помогне на децата да се ослободат од прекумерната употреба на мобилни телефони.

Пред неколку години, во Кина беше донесен и закон според којшто на учениците им е дозволено да играат видеоигри само по 90 минути во работните денови, и три часа за викенд.