Вучиќ нарече новинарка на РТС „имбецил“, а потоа се извини

„Непристојно“.

Вака Програмскиот колегиум и редакцијата на Дописништвото на Радио и телевизија на Србија ја оценија навредата на претседателот Александар Вучиќ упатена кон нивната новинарка од дописништвото во Ниш, поради нејзиното известување од студентски протест во тој град, што му пречело.

„Замислете вчера известуваа од Ниш, ит оа некој имбецил од дописништвото во Ниш“, рече тој за време на митингот во Бор на 2 март, а изјавата ја пренесе и РТС.

Претседателот на Србија се извини еден ден подоцна.

„Немам право никого да нарекувам имбецил и им се извинувам на граѓаните на Србија и на новинарите на споменатиот дописник на РТС за тоа“, се вели во соопштението на српското претседателство.

Сепак, Вучиќ наведува дека мисли дека професионалноста и објективноста на гореспоменатите новинари се „подеднакво лоши и… дека тие се срам за нивната професија… дека тие не се новинари, туку политички активисти“.

Ниту еден носител на јавна функција, без разлика на која политичка опција припаѓа, нема право да зборува за нашите колеги на ваков навредлив начин“, соопштија од Јавниот сервис ден по изјавата на Вучиќ.

Здружението на новинарите на Србија, Синдикатот на новинарите на Србија и студентите од Ниш ја осудија изјавата на Вучиќ.

Синдикатите на РТС го оценија како „притисок врз медиумите и обид за заплашување на новинарите и медиумските работници“.

Во Бор на 2 март, Вучиќ рече дека студентите немаат за што да разговараат кога им бил понуден разговор и дека поради тоа тие „првенствено ги впрегнале државните институции (…) од професори до луѓе во РТС“.

„Радио телевизија на Србија не е јавен сервис, таа стана сервис на пленумот и опозициските политички партии“, рече Вучиќ.

Тој го критикуваше известувањето на Јавната радиодифузија од протестите во Ниш претходниот ден, а потоа нарече погрдно име новинарот кој известува од дописникот.

РТС во саботата меѓу главните вести во Дневник објави прилог од протестите во Ниш.