„Време“: Данка е мртва, а теророт на „новинарите“ и нивните „извори од истрагата“ трае

Данка е мртва, но ниту тоа не ги спречува таблоидите. Меѓу нас има луѓе кои газат дете и го фрлаат во депонија, но и полицајци кои им се јавуваат на пријатели од таблоидите и „новинари“ кои објавуваат гласини, како да озборуваат ново момче на старлета. Секогаш жедни за тираж, акции, кликови и пари.

Данка е мртва. Наводно, поминале само седум минути откако и избегала од видот на мајка си додека не налетала „фиат панда“ со две лица кои решиле удреното тело да го фрлат во багажникот и на депонија.

Затоа што биле пијани? Можеби некој задавил дете! Еве ги нивните слики, ова се чудовишта!

Детето повеќе го нема, но се уште има вакви шпекулации, гласини и претпоставки кои редовно ги добиваат српските таблоиди од „извори од истрагата“.

Да не ја убила мајка и? Детето беше продадено. ОВОЈ ДЕТАЉ е сомнителен, само кликнете и ќе дознаете. Нашиот извор открива ШТО НЕМА ДА ВЕРУВАТЕ.

Седум минути и десет дена трае теророт на „новинарите“, „уредниците“ и нивните „истражни извори“. Понекогаш се прашувам дали „колегите“ би пишувале вака за сопствените деца ако носеа кликови, пукаа тиражи и се слеваа пари од огласувачите.

Данка е мртва, ништо не може да се направи околу тоа. Полициските професионалци можеби ќе научат некои лекции за следниот пат – за жал, секогаш има втор пат – и истрагата ќе биде поефикасна и побрза.

Една од лекциите што би требало да ја научат е да комуницираат со јавноста за случаите што ги засегаат сите. Без конференција, неколку најави, до – повторно!  Претседателот не смее прв да каже дека детето е мртво.

Но, стравот е подлабок од надежта. Размислете, меѓу нас има луѓе кои газат дете и решаваат да го фрлат во депонија, но и полицајци чија прва мисла е да ги повикаат другарите од таблоидите  кои без извинување објавуваат гласини за исчезнување и смрт на дете. Луѓе кликаат, кликаат, кликаат – да немаме илузии, да нема кликови, немаше да објавуваат. А, парите капат, капат, капат – и тука нема илузии, на огласувачите во Србија им е гајле дали се рекламираат во весници или во комора со радиоактивен отров. Данка е мртва. Караванот на жолт печат ќе оди понатаму, по некој нов мирис на крв, по нови „извори од истрагата“. За кликови и за пари. Барем да научиме нешто. (Време)