„Вог“ и Мет Гала 2023 во чест на Карл Лагерфелд: Легендарни дизајни, легендарни манекенки и една мачка
Њујорк- Насловната на американскиот „Вог“ за месец мај е посветен на легендарниот германски дизајнер Карл Лагерфелд, кој со децении работеше истовремено како креативен директор на многу модни куќи, вклучувајќи ги Шанел, Фенди и Клое, покрај тоа што ја водеше неговата истоимена меѓународна модна етикета. Тој почина во 2019 година на 85 години.
Насловницата можеби е една од најдобрите досега – 10 модели, 10 креации и една позната мачка. Ана Винтур, главен уредник на американскиот „Вог“ и како глобален директор во „Конде Наст“ ќе му изрази почит на Легарфелд и на Мет-гала, гламурозен и добротворен настан, како ко-домаќинка.
Вкупно 10 дизајнери и модни куќи за „Вог“ ја редефинираа работата на покојниот дизајнер: Пјерпаоло Пичоли (Valentino), Том Браун, Донатела Версаче, Џун Такахаши (Undercover), Кристофер Џон Роџерс, Џон Галијано (Maison Margiela), Оливие Рустенг (Balmain), Читосе Абе (Sacai), Гучи и Симон Роша.
Пред објективот на познатата фотографка Ени Лебовиц ги гледаме Наоми Кембел, Наталија Водијанова, Шалом Харлоу, Лиу Вен, Амбер Валета, Адут Акеч, Анок Јаи, Девон Аоки, Џиџи Хадид и Кендал Џенер.
Една од ѕвездите е и омилената мачка на Лагерфелд, Шупет.
Оваа година Мет Гала планирано е да биде на први мај во Музејот на уметноста Метрополитен во Њујорк, кога ќе биде преставена и изложбата Karl Lagerfeld: A Line of Beauty.
Присутните ќе имаат можност да погледнат 150 предмети од шесте декади модно творештво на дизајнерот, неговата работа за Шанел, Фенди, како и дел од неговиот сопствен бренд.
Изложбата во чест на Лагерфелд ќе биде отворена за јавноста од 5 мај до 16 јули.
