Во САД ќе можат да патуваат сите кои се имунизирани со вакцини признаени од СЗО

Американските Центри за контрола и превенција на болести објавија дека Соединетите Држави ќе ги признаат вакцинациите за сите луѓе кои доаѓаат од странство и кои се вакцинирани против Ковид-19 со вакцини одобрени од американските регулатори или Светската здравствена организација (СЗО).

На 20 септември, Белата куќа објави дека Соединетите Држави ќе ги укинат ограничувањата за патување по воздух од 33 земји во ноември, вклучувајќи ги Кина, Индија, Бразил и голем дел од Европа, доколку патниците се целосно вакцинирани против корона вирус. Во тоа време не беше прецизирано кои вакцини ќе бидат признати.

Портпаролката на Центрите вчера изјави дека „шест вакцини кои се одобрени од Администрацијата за храна и лекови или одобрени за итна употреба од СЗО, ќе ги исполнуваат критериумите за патување во Соединетите Држави“.

Некои земји извршија притисок врз администрацијата на претседателот Џо Бајден да ги признае вакцините одобрени од СЗО, бидејќи вакцините одобрени од Агенцијата за храна и лекови не се широко користени во сите земји.

Соединетите Држави ќе дозволат целосно вакцинирани авионски патници од т.н. „Шенген“ земји да влезат во Европа, како и Велика Британија, Ирска, Кина, Индија, Јужна Африка, Иран и Бразил.