(Видео) Се урна хотелот „Дубровник“ во Аргентина – се трага по преживеани

Хотелска зграда од 10 ката се урна рано утринава во крајбрежниот град Вила Гесел во аргентинската провинција Буенос Аирес, соопштија локалните власти.

Се претпоставува дека во тој момент во хотелот во „Дубровник“ имало меѓу седум и девет лица, меѓу кои и градежни работници кои наводно работеле без градска дозвола, се наведува во соопштението.

🇦🇷 | URGENTE: Se derrumbó el 80% de un edificio en Villa Gesell en Argentina. Los bomberos trabajan dentro del Hotel Dubrovnik removiendo escombros, mientras buscan rescatar al menos a nueve personas que están atrapadas. pic.twitter.com/5CX6QhLLUG

— ShinRa News Network (@NewsShinra) October 29, 2024

Спасувачките екипи ги отстрануваат урнатините за да ги ослободат затрупаните, соопштија властите на Вила Гесел, додавајќи дека општинските власти во август годинава ги прекинале градежните работи на локацијата.