(ВИДЕО) Невидливата страна на славењето
Уште 416 мртви и 16 повредени птици се сместени во Центарот за спасување Зелен Балкан кој е посветен на заштита на птиците во Бугарија и пошироко.Вчера тие објавија дека само на периферијата на Копривштица, гратче со неколку илјади жители, собрале околу 600 умрени птици што со тие собрани подоцна значи дека жртви на новогодишните „прослави“ во овј регион се 1.038 птици, од кои 1.007 загинати, а 31 повредени.
По запрепастувачките фотографии од стотици мртви птици објавени од Центарот за спасување, еко-активистите одговараат на многуте прашања што се појавија:
„На новогодишната ноќ, не само во Копривштица, имаше огномети, петарди и друга пиротехника. Среќа за птиците е што во моментов зимуваат повеќето во периферијата на градот.Имаме сигнали и фотографии и од други населени места – птици самци, главно птици песнопојки, пронајдени мртви по новогодишната ноќ.
Ние имаме ветеринари и рехабилитатори на повик 365 дена во годината. Одделно, имаме тим од волонтери подготвен да одговори – тим од ветеринари и студенти по ветерина! Нема шанси птиците да се отруени, прво затоа што клиничката слика и патогномските знаци не се индикативни за тоа. Второ, затоа што не е пронајдено земјоделско семе во грлото и стомакот на птиците, и последно, но не и најмалку важно – нема сеење во зима, за да се трујат од третираните семиња што се користат“, објаснија од Зелен Балкан.
Ветеринарите од Центарот за спасување (четворица на број) ја отфрлија можноста за птичји грип, користејќи клинички лабораториски методи и отсуство на патогномонични знаци при обдукцијата на сите птици. Исто така, канарините и другите припитомени птици немаат ништо заедничко во однесувањето со дивите животни. Во помал или поголем степен, домашните птици се навикнати на бучавата од непосредна близина на човекот, за разлика од животните во дивината!
Во Македонија никој не води сметка за влијанието на пиротехниката врз живиот свет и воопшто за состојбата со птиците, како да не постојат и не се дел од националното богатство на земјата и дел од хармонијата на еко системот.Видеото подолу го покажува ужасното дејство на петардите и огнометите врз птиците кои умираат за неколку секунди.