(Видео) Маск: Вградивме чип во човечкиот мозок
Милијардерот Eлон Маск вели дека неговата компанија Neuralink за прв пат успешно вградила еден од своите безжични чипови во човечки мозок.
„Првичните резултати покажуваат ветувачки нервни импулси и пациентот добро закрепнува“, објави Маск.
Целта на компанијата е да го поврзе човечкиот мозок со компјутерите и да помогне во решавањето на сложените невролошки состојби. Голем број конкурентски компании веќе имаат инсталирано слични уреди. Би-би-си Њуз се обрати до Неуралинк и американскиот медицински регулатор, Управата за храна и лекови (ФДА), за коментар.
Во мај, компанијата на Маск доби дозвола од ФДА да го тестира чипот на луѓе, што претставува пресвртница. Ова даде зелено светло за почеток на шестгодишното истражување. Пациентите кои ќе учествуваат во студијата ќе имаат хируршки чип поставен во делот од мозокот кој ја контролира намерата за движење. Чипот, кој ќе го инсталира роботот, потоа ќе снима и ќе испраќа мозочни сигнали до апликацијата, со првична цел „да им овозможи на луѓето да го контролираат курсорот на компјутерот или тастатурата користејќи ги само своите мисли“, според Neuralink.
The first human received an implant from @Neuralink yesterday and is recovering well.
Initial results show promising neuron spike detection.
— Elon Musk (@elonmusk) January 29, 2024
Маск на X објави дека првиот производ на Neuralink ќе се вика Telepathy. Тоа треба да овозможи да се контролира нечиј мобилен телефон или компјутер – со размислување.
The first @Neuralink product is called Telepathy
— Elon Musk (@elonmusk) January 29, 2024
„Првите корисници ќе бидат оние кои ја изгубиле способноста да ги користат своите екстремитети. Замислете Стивен Хокинг да може да комуницира побрзо од брза дактилографка. Тоа е целта”, додаде Маск.
Напредокот треба да биде експоненцијален
Неуралинк, со седиште во заливот Сан Франциско и Остин, Тексас, спроведува тестови на животни во последниве години додека истовремено бара одобрение од Управата за храна и лекови на САД (ФДА) за да започне клинички испитувања на луѓе.
„Сакаме да бидеме исклучително внимателни и да се погрижиме да работи добро пред да го ставиме уредот во човек“, рече Маск претходно.
Говорејќи пред толпата одбрани гости на презентацијата во седиштето на Neuralink во 2022 година, која траеше речиси три часа, Маск ја нагласи брзината со која компанијата го развива својот уред.
„На почетокот, напредокот, особено што се однесува до луѓето, може да изгледа ужасно бавен, но ние правиме сѐ за целосно да го развиеме паралелно“, додаде тој. „Значи, теоретски напредокот треба да биде експоненцијален“.
Првите две човечки апликации на уредот Neuralink кон кои се насочени ќе бидат враќање на видот и овозможување на движење на мускулите кај луѓе кои не можат да го направат тоа, рече Маск.
„Дури и ако некој никогаш не гледалл, ако е роден слеп, веруваме дека сепак можеме да го вратиме видот“, рече тој.
Првата јавна презентација на Neuralink вклучуваше мајмун со мозочен чип кој играше компјутерска игра.
Маск, кој исто така го води производителот на електрични возила Тесла, ракетната компанија SpaceX и платформата за социјалните медиуми X, е познат по цели како колонизација на Марс и спас на човештвото.
Неговите амбиции за Neuralink, кој го лансираше во 2016 година, се исто толку големи. Тој развива чип составен од илјадници електроди кои ќе му овозможат на мозокот да контролира сложени електронски уреди и на крајот да им овозможи на парализираните луѓе да ги вратат моторните функции и да лекуваат болести како Паркинсонова, деменција и Алцхајмерова болест. Зборува и за зајакнување на мозокот со помош на вештачка интелигенција.
Повеќепати ги проби роковите
Маск, на презентацијата во 2019 година рече дека има за цел да добие регулаторно одобрение до крајот на 2020 година. Потоа, на конференцијата кон крајот на 2021 година, тој рече дека се надева дека таа година ќе започне испитувања на луѓе. Neuralink постојано ги надминуваше внатрешните рокови за да добие одобрение од FDA за да започне испитувања на луѓе, велат сегашните и поранешните вработени.
Маск му пристапил на конкурентот Synchron за потенцијална инвестиција во 2022 година, откако изразил фрустрација со експертите на Neuralink поради нивниот бавен напредок, објави Ројтерс во август. Во јули 2022 година, Synchron помина голема пресвртница со првата имплантација на својот уред кај пациент во САД. Доби регулаторно одобрение од САД за испитувања на луѓе во 2021 година и изврши студии кај четири лица во Австралија.
Маск во декември 2022 година рече дека Neuralink ги доставила повеќето од своите документи до американската Администрација за храна и лекови и може да започне со тестирање на луѓе во рок од шест месеци. Но, вработените изјавија за Ројтерс во декември дека компанијата брза да излезе на пазарот, што резултираше со смрт на животни и федерална истрага.