Вардар ја одреди цената на влезниците за дербито со Пелистер

Раководството на освојувачот на фудбалскиот Куп на Македонија Вардар ги пушти во продажба влезниците за отворањето на сезоната. Во Скопје се игра вечното дерби на македонскиот фудбал и гостува битолски Пелистер. 

Вардар претходната недела ги заврши настапите во Конференциската лига на УЕФА, па сега остануваат само домашните натпревари за „црвено-црните“.

Влезниците за дуелот со Пелистер ќе можат да се купат преку продажната мрежа на „МкТикетс“, а цената на еден билет е 300 денари и само за јужната трибина. 

Натпреварот Вардар – Пелистер се игра в петок на 8.август во вечерен термин од 20 часот на Националната Арена „Тодор Проески“.