Украински дронови ја нападнаа најголемата фабрика за ѓубрива во Русија и Европа

Во ноќта на 27 март, украински дрнови нападнаа „индустриски објект“ во Череповец, објави гувернерот на Вологодската област, Георги Филимонов. „Евидентирани се осум напади со дронови. Нема штета на критичната инфраструктура на округот. Нема жртви или повредени“, напиша Филимонов на Телеграм. Според фотографиите и видеата од локалните жители анализирани од украинскиот канал за следење Егзиленова+, целта била АД „Апатит“. Тоа е најголемиот европски производител на ѓубрива врз база на фосфат, фосфорни и сулфурни киселини и еден од водечките руски производители на сложени ѓубрива.

Претходно, украински дронови ја нападнаа хемиската фабрика „КуибишевАзот“ во Тољати. Нападот на 11 март предизвика пожар во една од работилниците. Фабриката е едно од десетте најголеми претпријатија во азотната индустрија во Русија. Во февруари, украинските вооружени сили три пати нападнаа хемиски фабрики во Русија.

Во услови на воената операција на САД и Израел против Иран, затворањето на Ормутскиот теснец и зголемената глобална побарувачка, во Русија се разви недостиг на ѓубрива, при што цените скокнаа за 30 отсто. Како резултат на тоа, земјоделците апелираа до руската министерка за земјоделство Оксана Лут да ги врати извозните давачки, објави „Известија“. Во исто време, земјоделските производители предупредија дека сегашната ситуација може да влијае на идните жетви. По ова, Министерството за земјоделство објави ограничувања за извоз на амониум нитрат од 21 март до 21 април „за да се обезбеди пролетна работа на терен“.