Трет ден се трага по исчезнатиот метеоролог во БиХ : Погледнете од каде тргнал

Потрагата по исчезнатиот метеоролог на Бјелашница сѐ уште не дава резултати, бидејќи трет ден мораше да се откаже поради многу лошите услови на оваа планина. Припадниците на Планинската спасувачка служба (ГСС) на кантонот Сараево ја завршија денешната потрага.

Исчезнатиот, 46-годишен метеоролог тргнал од оваа точка кон опсерваторијата. Како што беше кажано претходно, тој се јавил кога се симнал од шестоседот, но од тој момент му се губи секаква трага.

И додека состојбата во долните делови на планината сега е релативно стабилна, маглата која се спушти на Бјелашница е вистински пекол за спасувачите од горните делови, што ги спречува да ја продолжат потрагата по метеорологот.

Како што претходно изјави водачот на потрагата Нермин Демир, видливоста не е поголема од половина метар, дури во некои моменти спасувачите не можат да ги видат ниту скиите.