Трагедија во Хрватска: При деминирање загинаа пиротехничар и пиротехничарка
Во градот Чанак во Лика во четвртокот попладне се случи трагедија во која загинаа двајца пиротехничари, јавија хрватските медиуми.
Еден од пиротехничарите починал на лице место, а другиот на пат кон болница со возило на Брза помош.
„Точно е, загинаа пиротехничар и пиротехничарка, а деталите ќе ги дознаеме по истрагата. Деминирањето се одвива таму со години“, изјавија од Хрватскиот центар за деминирање, пренесува 24 часа.
Претходно, полициското одделение Лика-Сењ добило дојава дека во местото Чанак, населба Врлет-Скокови, при деминирање на минско поле се случила несреќа на мина, извести полицијата. Несреќата се случила околу 13 часот.
❗️Prilikom razminiranja minskog polja u mjestu Čanak danas se dogodila minska nesreća u kojoj je na mjestu događaja smrtno stradala jedna osoba, dok je druga preminula na putu prema bolnici. Slijedi očevid kako bi se utvrdile sve okolnosti stradavanja.
🔗https://t.co/T71BXd5OvO— Ravnateljstvo civilne zaštite MUP-RH (@RavnateljstvoCZ) February 23, 2023