Тејлор Свифт ги надмина Лајонел Ричи и Пол Макартни по бројот на номинации за Греми

Поп-ѕвездата и музички феномен Тејлор Свифт го собори рекордот по број на номинации за Греми наградите.

Имено, таа се најде на кратката листа на номинирани за најдобра песна, за „Антихерој“, а номинирана е седум пати, пишува „Би-Би-Си“.

Со тоа, младата кантавторка ги надмина Пол Макартни и Лајонел Ричи, кои досега го делеа рекордот по број на номинации со по шест за една песна.

Покрај категоријата за најдобра песна, Тејлор е номинирана и за албум на годината и видео на годината, заедно со Мајли Сајрус, Оливија Родриго и СЗА. За најдобра песна беа номинирани и Дуа Липа и Лана Дел Реј.

Наградите ќе бидат доделени на 4 февруари 2024 година во Лос Анџелес. Како што пишува „Би-би-си“, годинава беше особено тешко да се влезе на листата на номинирани, бидејќи организаторите го намалија бројот на номинации од 10 на осум.

Ролана Имани Роу, попозната по псевдонимот СЗА,  е номинирана во девет категории.

Солана започнала да снима песни пред 13 години, а нејзиниот деби албум Ctrl од 2017 година доби признание од критиката. Дебитираше на третото место на Билборд 200 и стана тројно платинест. Во 2020 година, Ролинг Стоун го наведе Ctrl како еден од 500-те најдобри албуми на сите времиња.

Погледнете ги номинираните во најважните категории ТУКА.