Тајм 100: Адел и Зендаја меѓу највлијателните личности во светот

САД- Зендаја, Адел, Пит Дејвидсон и десетици други се именувани во 2022 TIME 100, годишна листа на 100 највлијателни луѓе кои имаат важна улога во забавата, политиката, спортот и бизнисот, меѓу другите области. Списокот е подреден на делови од уметници, иноватори, титани, лидери, икони и пионери.

Овогодинешната листа содржи мешавина од имиња кои првпат се појавуваат и имиња кои се повторуваат, при што Адел го забележа својот трет влез и претседателот Џо Бајден, кој се појавува по петти пат. 

Зборувајќи за Зендаја, директорот на Дина Денис Вилнев напиша: „Таа и самата е автономна креативна сила. Личност водена од чиста инспирација, емпатија и почит кон нејзиниот занает, која ја користи автентичноста како нова суперсила. Изгледа бестрашна, нејзините корени се длабоки и сакам што сè уште се смее како дете. Зендаја е иднината. И нема ништо поутешно за мене. Ова е само почеток“.

Други почестени на листата TIME100 2022 се Симу Лиу,  Џо Роган, Крис Џенер, Опра Винфри,  Зои Кравиц, Квинта Брансон, Мери Џеј Блајџ, Миранда Ламберт , Џон Батист, Тим Кук, Аријана ДеБоз, Ендрју Гарфилд, Сали Руни, Иса Реј, Џереми Стронг, Џезмин Саливан, Квестлав, Таика Вејтити, Мишел Јео и Володимир Зеленски . (Ролингстоун)