Средба Лавров – Блинкен идната недела
Рускиот и американскиот министер за надворешни работи Сергеј Лавров и Ентони Блинкен во телефонски разговор се согласија да се состанат следната недела на маргините на самитот на Арктичкиот совет во Рејкјавик, соопшти Москва.
Лавров и Блинкен се согласија да одржат посебен состанок на маргините на состанокот за да разговараат за клучните билатерални и меѓународни прашања, соопшти руското Министерство за надворешни работи. Министерскиот состанок на Арктичкиот совет ќе се одржи на 20 мај.
„Стана збор и за интеракцијата на двете земји во Арктичкиот совет, вклучително и поради префрлањето на претседателството на оваа структура на Руската Федерација, што ќе се одржи на министерската сесија на АС во Рејкјавик на 20 мај. Лавров и Блинкен се согласија да одржат посебна средба на маргините на оваа сесија за решавање на клучните прашања во билатералните односи и меѓународната агенда“. соопшти дипломатскиот оддел.
Тие денеска разговараа и за Северна Кореја, иранската нуклеарна програма и „стратешката стабилност“, се вели во соопштението од Москва.