Снежна бура во Словенија
Големи количини снег паднаа во некои делови од Словенија кои го отежнаа сообраќајот, а полни раце работа имале зимските служби и пожарникарите.
Најтешко е во општините Солчева, Велење, Војник, Крањ, Подвела, Равне на Корошкем, Жалац и Марибор, пренесува порталот 24UR.
Како што се наведува, кај надлежните служби пријавени се 17 инциденти, а покрај професионалните противпожарни бригади, ангажирани биле и 11 доброволни.
Најмногу работа имало за отстранување стебла кои паднале под тежината на снегот и ги блокирале патиштата.
Во регионот Савињска паднаа 40 см снег, додека на планините измерени се и повеќе од половина метар.
Во моментот, патиштата се проодни, но се советува внимателност на патот.
