Сем Алтман повторно на чело на „Опен-АИ“, промени во бордот на компанијата
Технолошката компанија „Опен-АИ“ денеска преку мрежата „Х“ соопшти дека Сем Алтман – нејзин соосновач, се враќа во нејзиното раководство, неколку дена по неговото разрешување.
Откако бордот на директори на компанијата што ја лансираше алатката со вештачка интелигенција „Чет-ГПТ“ пред пет дена објави дека Алтман е отпуштен, Грег Брокман, и вториот соосновач и прв во редот извршни директори на компанијата, го напушти „столчето“ во одборот. Според наводите, Алтман се враќа во „Опен-АИ“ како извршен директор. Со промени во одборот предводен од Брет Тејлор, вклучувајќи ги Лери Самерс и Адам Д’Анџело.
We have reached an agreement in principle for Sam Altman to return to OpenAI as CEO with a new initial board of Bret Taylor (Chair), Larry Summers, and Adam D’Angelo.
We are collaborating to figure out the details. Thank you so much for your patience through this.
— OpenAI (@OpenAI) November 22, 2023
Алтман помогна во лансирањето на „Опен-АИ“ како непрофитна истражувачка лабораторија во 2015 година со цел да се унапреди ВИ. Компанијата прерасна во една од најмоќните фирми за ВИ во светот, а во меѓувреме се раздели и со својот прв поддржувач Илон Маск поради несогласувањата за идните насоки.
Персоналот на „Опен-АИ“ отворено го изрази своето незадоволство од заминувањето на Алтман, бараше негово враќање и се закани дека ќе следат откази и префрлања во „Мајкрософт“ доколку основачот не биде вратен во раководството на компанијата.
We are encouraged by the changes to the OpenAI board. We believe this is a first essential step on a path to more stable, well-informed, and effective governance. Sam, Greg, and I have talked and agreed they have a key role to play along with the OAI leadership team in ensuring… https://t.co/djO6Fuz6t9
— Satya Nadella (@satyanadella) November 22, 2023
„Мајкрософт“ веќе вложи милијарди долари во „Опен-АИ“ и ги поседува правата на технологијата на компанијата, па извршната директорка на технолошкиот конгломерат, Сатја Надела повика на коренити промени во „Опен-АИ“ откако одборот го отпушти извршниот директор Сем Алтман. „Мајкрософт“ завчера објави и дека ќе го ангажира Алтман и уште еден соосновач и поранешен претседател на компанијата, Грег Брокман, кој поднесе оставка како протест поради отпуштањето на Алтман.
Надела доцна синоќа на „Х“ напиша дека ги поздравуваат промените во одборот на директори во „Опен-АИ“ и веруваат дека тоа е патот до постабилно и поделотворно управување.