Се извлекуваат преживеаните по лизгање на земјиште во Италија
Една жена загина, а по десет лица се трага по лизгање на земјиштето предизвикано од обилните дождови на јужниот италијански остров Искија, изјави локален претставник.
Силни и поројни дождови го погодија пристаништето Казамичиола Терме, еден од шесте градови на островот, рано во саботата, предизвикувајќи поплави и уривање на згради.
„Потврдена е смртта на едно лице, една жена. Пронајдени се осум исчезнати лица, меѓу кои и едно дете, а судбината на десет лица се уште не е позната“, изјави префектот на Неапол, Клаудио Паломба на прес-конференција.
Fiumi di fango, edifici distrutti, decine di persone intrappolate, Salvini parla già di 8 morti.
Non è fatalità: #Ischia è ormai simbolo del dissesto idrogeologico di un’Italia fragile che non ha capito ancora che l’unica grande opera necessaria è la cura del territorio. pic.twitter.com/wZ4BTRGw3R
— Giuliano Granato (@Giul_Granato) November 26, 2022
Малку порано, вицепремиерот и министер за инфраструктура, Матео Салвини, исто така лидер на антиимигрантската партија Лига, им изјави на новинарите во Милано дека осум лица загинале во лизгање на земјиштето предизвикано од обилните дождови, што подоцна беше демантирано од министерот за внатрешни работи Матео Пјантедоси.
Seguiamo da ore con angoscia quanto successo a #Ischia, con il pensiero che va alle famiglie e ai soccorritori che operano con un tempo infame.
Mettere in sicurezza l’Italia, da nord a sud, sarà quello su cui tutti dovremo lavorare giorno e notte. pic.twitter.com/tfXyS0XLq7— Matteo Salvini (@matteosalvinimi) November 26, 2022
Седумдесет пожарникари работат на островот на 30 километри од Неапол за да ги извлечат жителите од оштетените згради и да ги пронајдат исчезнатите лица, објави противпожарната бригада на Твитер.
Снимките покажуваат густа кал, остатоци и карпи во Казамичиола Терме. Неколку автомобили биле потопени долж брегот и очигледно биле фрлени во морето од невремето.
Казамичиола Терме, туристички град со 8.000 жители во зима, претрпе земјотрес во 2017 година во кој загинаа две лица, а во 1883 година градот беше срамнет со земја во многу силен земјотрес.
Alluvione a Casamicciola, Ischia pic.twitter.com/WfImPooe5g
— Kurosh1974 (@Kurosh_74) November 26, 2022
Искија е вулкански остров кој секоја година привлекува посетители со своите термални води и прекрасниот пејзаж. Тој е густо населен и статистиката покажува дека многу куќи се изградени без одобрение за градба, поради што на жителите им се закануваат поплави и земјотреси.
Во 2006 година, од лизгање на земјиштето загинаа татко и неговите три ќерки.
Југот на Италија, каде што куќите често се градат незаконски за да се заобиколат безбедносните прописи, е подложен на фатални одрони.
Во 1998 година, најмалку 150 луѓе загинаа кога свлечиште го поплави селото Сарно, недалеку од Неапол.