СДСМ: Просечната нето плата се намали за 1.163 денари
СДСМ објави дека просечната месечна нето плата за јуни е намалена за 1.163 денари во однос на мај.. Во јуни годинава просечната месечна исплатена нето-плата изнесувала 48 381 денар и е повисока за 6,4 проценти во однос на јуни лани, објави вчера Државниот завод за статистика.
„Просечната плата се намали за 1.163 денари, но да зборуваме за убави работи- доаѓа нов авион за Мицкоски. Додека Христијан Мицкоски секојдневно презентира весела математика дека платите се покачени за 72% а пензиите за 325% просечната нето плата се намали за 1.163 денари.
Државниот завод за статистика објави дека за само еден месец просечната плата се намалила за 1.163 денари, односно за 2,3 проценти.
За падот на животниот стандард на граѓаните и не им треба статистиката, тие ја гледаат дома, во празните фрижидери и во празните паричници. Просечната плата за еден месец паднала за 1.163 денари, минималната плата од 26.000 денари не е доволна ниту за третина од потрошувачката кошничка која порасна на 70.000 денари“, реагира СДСМ.