Самостојна изложба на Менсур Бојда

Во просториите на Грал галерија во Скопје вечер со почеток во 19 часот ќе биде отворена самостојната изложба на ликовниот уметник Менсур Бојда насловена „Принтана едиција”.

„Принтана едиција” е колекција од 25 селектирани дела од различни периоди и различни техники. Колекцијата содржи репродукции од цртежи, слики, дела од серијалот насловен „Моите омилени нешта” и последниот проект „Шинаи”, изработени во офсет, дигитална и традиционални графички техники.

Менсур Бојда е ликовен уметник кој живее и работи во Њујорк. Тој е фигуративен експресионист и од негов интерес се ликовни дисциплини како сликарство, цртеж, графика, скулптура, илустрација и стрип.