Една магична вечер, една заедничка музика на концертот на „Профундис“ и „Камерата“ од Нови Сад


Скопје, синоќа, во Филхармонија, беше дел од една магична вечер, сведок на една заедничка музика на концертот на „Профундис“ од Скопје и „Камерата“’ од Нови Сад, под диригентската палка на маестра Ѓурѓица Дашиќ.
 
 
Од возвишените звуци на Вон Вилијамс, преку Голијов и Стојков, до огнената „Кармен“, вечерта беше исполнета со магија и аплаузи. Публиката ја почувствува силата на голем ансамбл и изведба во која оркестарот е вистинскиот главен актер и ја препозна енергијата, посветеноста и музичката комуникација што стојат зад овој проект.
 
 
Камерниот оркестар „Профундис“ е формиран во 2019 година под раководство на диригентката Ѓурѓица Дашиќ. Од своето основање, ансамблот се позиционира како еден од најактивните камерни состави во Македонија, обединувајќи истакнати македонски инструменталисти од различни генерации и создавајќи препознатлив уметнички израз.
 

 

„Камерата Нови Сад“ е професионален камерен оркестар со традиција што започнува во 1988 година. Основан како „Камерата Академика“ при Академијата на уметностите во Нови Сад, ансамблот низ годините се развива во еден од препознатливите музички состави на српската концертна сцена.Неговиот репертоар опфаќа дела од барокот и класицизмот до современата музика, со посебен акцент на уметничката соработка и иновативните концертни проекти. 

Во 2022 година, во рамките на проектот „Нови Сад – Европска престолнина на културата“, ансамблот го добива статусот на официјален градски камерен оркестар под името „Камерата Нови Сад“. Во 2025 година е прогласен за Оркестар на годината во изборот на списанието „Музика Класика“.

Фото: Маја Аргакијева