Рускиот генерал Герасимов убиен во Украина

Украинската воена разузнавачка служба соопшти дека рускиот генерал Виталиј Герасимов е убиен во близина на Харков.

Русија не ја потврди оваа информација.

Според украинската служба, Герасимов бил генерал-мајор и прв заменик-командант на руската 41 армија.

Убиени или ранети се и неколку други руски офицери, според украинската страна, а пренесува Би-би-си.

Според украинската страна, Герасимов го добил орден поради акциите на Крим.

Украинските власти објавија и фотографија од лицето за кое тврдат дека е Герасимов, над која пишува „ликвидиран“.

Ова е вториот генерал на руската армија што е убиен од почетокот на инвазијата.