Русија гори, активни 208 шумски пожари

Во рускиот регион Јакутија горат дури 208 шумски пожари на вкупна површина од повеќе од 1,5 милиони хектари, соопшти Министерството за вонредни ситуации.

„Дури 208 шумски пожари на вкупна површина од 1.519.431 хектари горат во Јакутија, а 14 пожари се изгаснати на вкупна површина од 82.165 хектари“, соопшти прес-службата на министерството, пренесе агенцијата ТАСС.

Во изминатите 24 часа вклучени се вкупно 2.119 луѓе и 297 парчиња опрема за напорите за гасење на шумските пожари во регионот.

Јакутија е еден од најзагрозените руски региони, додека на жителите им е забрането да ги посетуваат шумите од 1 јули.